Ana səhifə Planet |
Donbasın separatçlar tərəfindən işğal olunmuş Qorlovka şəhərində yerli əhali qiyam qaldırıb.
Axar.az xəbər verir ki, bu barədə Ukrayna Milli Təhlükəsizlik və Müdafiə Şurasının analitik-informasiya şöbəsinin rəhbəri Andrey Lısenko məlumat verib.
Onun sözlərinə görə, yerli əhali terrorçulardan şəhərdən rədd olub getmələrini tələb edib.
"Son bir sutka ərzində terrorçuların artilleriya atəşi nəticəsində Qorlovkada altı dinc sakin həlak olub, 3 nəfər yaralanıb. Bundan sonra şəhərdə kütləvi etiraz aksiyası keçirilib. Yerli əhali terrorçulardan şəhəri tərk etmələrini tələb edib. Separatçılar atəş açaraq aksiyanı dağıdıb", - Lısenko deyib.
Milli Təhlükəsizlik və Müdafiə Şurasının məlumatına görə, son bir neçə ay ərzində terrorçuların işğal etdikləri ərazilərdə tez-tez kütləvi etiraz aksiyaları keçirilir.
Tarix
2014.12.09 / 16:41
|
Müəllif
Anar Əhmədov
|