Ermənistanın "Kentron TV" kanalında Türkiyənin ABŞ-a çevriləcəyi iddiası səsləndirilib.

Axar.az xəbər verir ki, Abdullah Öcalanın "4 mərhələli planı" müzakirə olunan verilişdə Türkiyədə əksəriyyəti ölkənin şərq bölgəsində məskunlaşan və tarixən müsəlmanlaşdırılan 4 milyon erməninin yaşadığı deyilib.

Öcalanın "4 mərhələli planı"nı olduqca real adlandıran mütəxəssislər Türkiyənin parçalanması məsələsinə də toxunub. Ayrıca olaraq ölkənin şərqində "Qərbi Ermənistan" yaratmaq planlarını da gizlətməyiblər. Eyni zamanda proqramda Öcalanın planının 4-5 ay ərzində həll olunmayacağı təqdirdə türklər və kürdlər arasında yenidən böyük qarşıdurmaların yaranacağı deyilib.

Xatırladaq ki, CNN Türk-də yer alan xəbərə görə, Öcalan Türkiyə hakimiyyətinə "4 mərhələli plan" təklif edib. Həmin plana görə, rəsmi Ankara kürdlərə qarşı bütün ittihamları ləğv edərək PKK-çıları əfv etməli, kürdlər dillərini öyrənmə və mədəniyyətlərini yaşatma haqqına sahib olmalı, 2015-ci il paralament seçkilərində kürdlər müstəqil təmsil olunmalı və türk-kürd əlaqələri tarix kitabında yenidən yazılmalıdır. (Bura kitablarda kürdlərin terrorçu olaraq göstərilməməsi, Türkiyənin həm də kürdlərin vətəni olması və ölkə rəhbərliyində bərabər təmsilçilik hüququ verilməsi daxildir).