Kuba inqilabının lideri Fidel Kastroya "Çinin Nobeli" olaraq xarakterizə edilən Konfutsi mükafatı verilib.

Axar.az xəbər verir ki, mükafat komitəsi "dünya sülhünə əhəmiyyətli töhvələr verdiyi üçün" Kastronu bu mükafata layiq görüb.

"Deyli Meyl"in məlumatına görə, mükafat verilərkən Kastronun nüvə müharibəsinə etiraz etməsi, vəzifə müddətində beynəlxalq əlaqələrdə, o cümlədən ABŞ ilə yaşanan gərginlik zamanı müharibəyə əl atmaması əsas gətirilib.

Xatırladaq ki, mükafata digər namizədlər arasında Birləşmiş Millətlər Təşkilatının Baş katibi Pan Gi Mun və Cənubi Koreya Prezidenti Pak Kın Xe də yer alıb.