Dağıstan Prezidenti Ramazan Abdullatipov müxtəlif milli dillərdə çıxan KİV rəhbərlərini qəbul edib.

Bu barədə informasiyanı Dağıstan mətbuatı yayıb.

Mətbuat görüşün 2 saat davam etdiyini bildirib. Görüşdə həmçinin Azərbaycan dilində çıxan "Dərbənd" qəzetinin baş redaktoru Hacımahmud Əlifxanov da çıxış edib.

Axar.az-a "Dərbənd" qəzetindən verilən məlumatda baş redaktorun prezident qarşısında əsasən latın əlifbası ilə bağlı məsələ qaldırdığı deyilib:

"Baş redaktor prezidentə Azərbaycanın artıq çoxdan latın qrafikalı əlifbaya keçdiyini dedi. Üstəlik, Dağıstandakı Azərbaycan məktəblərində də dərsliklərin latın qrafikalı əlifba ilə tədris olunduğunu, amma bütün bunlara baxmayaraq, qəzetin hələ də kiril əlifbasında çıxdığını söylədi. Baş redaktorumuz bununla qəzetin öz oxucu auditoriyasını itirmək təhlükəsi ilə üz-üzə qaldığını bildirdi. Abdullatipov ilə bunun qarşılığında oxucuların qəzeti hansı formada görmək istədiklərini öyrənməyi məsləhət gördü".