ABŞ-ın İranın Ali dini lideri Əli Xameneiyə qarşı sanksiya tətbiq etməsi axmaq və məntiqsiz addımdır.

Axar.az xəbər verir ki, bu sözləri İran Prezidenti Həsən Ruhani deyib.

“Onlar deyirlər ki, biz ölkənin liderini boykot edirik, onun mülkünə qarşı sanksiya tətbiq edirik. Ancaq bizim liderimizin sadə həyatı var. Onun sadəcə ibadət yerləri mövcuddur. O, milyon və milyardlara sahib olan xarici liderlər kimi deyil”, - Ruhani bildirib.

Qeyd edək ki, ABŞ Xamenei və SEPAH-ın 8 generalına sanksiya tətbiq edib. Sanksiyalar nəticəsində İranın xaricdə olan milyardlarla dollar vəsaitinin dondurulacağı qeyd olunub.