Hollandiyalı jurnalistlər Donetskdə qəzaya uğramış "Boinq-777"nin araşdırması üçün əraziyə gəliblər.

Axar.az xəbər verir ki, "Obozrovatel.com" saytı jurnalistlərin qəzanın şahidi ilə danışdıqları barədə məlumat yayıb. Jurnalistlərə məlumat verən şahid "Buk" raketindən açılan atəşin izlərini gördüynü bildirib.

Şahidin sözlərinə görə, "Buk"dan açılan atəşdən dərhal sonra hər kəs nəyin partladığına baxmaq üçün bayıra çıxıblar:

"Mən eyvana qaçdım, baxdım, amma heç nə görmədim. Ancaq səmada ağaran bir cismi müşahidə etdim, şəklini çəkdim. Bir müddət sonra buludlar arasından ağaran xəttin olduğu tam aydın görsəndi".

Xatırladaq ki, bu gün Rusiyanın "Komsomolskaya pravda" qəzeti adı açıqlanmayan aerodrom işçisinin "Boinq" təyyarəsinin Ukraynaya məxsus Su-25 qırıcısından atılan raket atəşi ilə vurulduğunu istintaqa ifadəsində təqdiqlədiyini yaymışdı. O xəbərin ardınca Qərb jurnalistlərinin Ukrayna saytında yaydığı bu şahid ifadəsi bir daha informasiya müharibəsinin davam etdiyini və qarşılıqlı təbliğat getdiyini təsdiqləyir.