Fransız jurnalistlər "Şarli Hebdo" (Charlie Hebdo) jurnalının nəşrini davam etdirməsi üçün 500 min avro pul toplayıblar.

Axar.az xəbər verir ki, bu məbləği media qurumlarının birləşdiyi fondlar bağışlayıb.

Jurnalın növbəti sayının həftənin 3-cü günü satışa çıxarılacağı gözlənilir. Amma əvvəlki 60 mindən fərqli olaraq, indi jurnal bir milyon tirajla buraxılacaq. 8 səhifəlik qəzetin (həmişə 16 səhifə dərc edilib) hazırlanmasına "Kanal+" və "Monde" qəzetinin əməkdaşları yardım edir, "Liberation" qəzeti isə ofisini təmənnasız verib.

Bu arada isə məlum olub ki, ötən gün 60 min tirajla çıxan jurnalın satışda bircə nüsxəsi də qalmayıb. 29 nüsxə isə axşam saatlarında internet-hərracda peydə olub.

Satışda 5 avrodan baha olmayan jurnalın son sayının bir nüsxəsi internet-hərracda 5 min avroya satılıb. Bundan sonra daha 28 nüsxə də satışa çıxarılıb.

Xatırladaq ki, ötən gün "Şarli Hebdo" jurnalının redaksiyasına hücum edən silahlılar baş redaktor və 2 polis də daxil olmaqla, 12 nəfəri qətlə yetirib, 11 nəfər yaralanıb.

Fransada 3 günlük matəm elan edilib.