Azərbaycan Prezidenti İlham Əliyevin Nazirlər Kabinetinin 2014-cü ilin yekunlarına həsr olunmuş toplantısındakı çıxışına Türkiyə mətbuatında da yer ayrılıb.

Axar.az xəbər verir ki, Türkiyənin "Yeni Çağ" qəzeti dərc etdiyi məqaləsində İlham Əliyevin 2014-cü ildə Azərbaycandakı sosial və iqtisadi inkişaf və 2015-ci il hədəfləri ilə bağlı Nazirlər Kabinetinin toplantısında çıxış etdiyini yazıb.

Qəzet İlham Əliyevin Azərbaycanın uğurlu xarici siyasət yürütdüyü ilə bağlı çıxışını xüsusi vurğulayıb: "Əliyev ölkəsinin regional problemlərin həllində önəmli təsirə malik olduğunu, bundan sonra da beynəlxalq təşkilatlarla aktiv əməkdaşlığı davam etdirəcəklərini deyib. Prezident ölkəsinin imicinin bəzi çevrələr tərəfindən mənfi təqdim olunmasına toxunaraq, "Heç kim Azərbaycanla ultimatum dilində danışa bilməz" deyib".

Bundan başqa, qəzet İlham Əliyevin Azərbaycan-Ermənistan və Dağlıq Qarabağ problemi ilə bağlı çıxışını da vurğulayıb.