Fransanın satirik jurnalı "Şarli Hebdo"nun yeni təyin edilən baş redaktorunun fotoları yayılıb.

Axar.az xəbər verir ki, terror aktı zamanı xəsarət almış jurnalın əməkdaşı Loran Surisso nəşrin başına gətirilib. Bu karikaturçu Fransada "Riss" ləqəbi ilə məşhurdur.

Yanvarın 7-də jurnalın redaksiyasına edilmiş terror hücumu zamanı rəssam sağ çiynindən yaralanıb. Onun yanvarın 20-də xəstəxanadan buraxılması planlaşdırılır.

Xatırladaq ki, iki terrorçunun jurnalın redaksiyasına hücumu zamanı 12 əməkdaş öldürülüb. Cinayətdə təqsirli bilinən şəxslər isə yalnız 2 gün sonra aşkar edilib və onlar Paris yaxınlığındakı xüsusi əməliyyat zamanı məhv ediliblər. Terrakta səbəb jurnalın islam peyğəmbərinin karikaturasını dərc etməsi olub.