Yutub video-bloqçuları ABŞ Prezidenti Barak Obamanı sorğu-suala tutublar.

Axar.az euronews.com-a istinadən xəbər verir ki, video müsahibələr Ağ Evin rəsmi Yutub kanalında yerləşdirilib və istifadəçilər müzakirələrə qoşulmağa dəvət olunub.

Müsahibədə Obama iqtisadiyyatdan tutmuş texnologiyaya qədər hər bir mövzuda sualları cavablandırıb.

Prezident moda və bəzək Yutub kanalı ilə səkkiz milyon istifadəçinin marağını cəlb edən Betani Motanın bir neçə şəxsi sualını da cavablandırıb. Onun "hansı supergücə malik olmaq istərdiniz" sualına isə Obama bütün dillərdə danışa bilmək bacarığına sahib olmaq istədiyini bildirib.