İngiltərənin "Qardian" qəzeti Bəynəlxalq Valyuta Fondunun (BVF) prezidenti Kristina Laqardın Kral Abdullahın qadın haqlarını qoruması ilə bağlı söylədiyi fikirləri sərt tənqid edib.

Axar.az xəbər veri ki, qəzet BVF prezidentinin mərhum kralı müdafiə etməsinin arxasında şəxsi maraqları olduğunu bildirib. "Qardian" qəzetinin "Kral Abdullah feminist idi? Bizi güldürməyin" başlıqlı məqaləsində bu fikirlər yer alıb:

"Kristina Laqard BVF-nin ilk qadın prezidenti olaraq Kral Abdullahı qadın haqlarının böyük müdafiəçisi adlandırıb. Kral Abdullah elə bir ölkəyə başçılıq edirdi ki, həmin ölkədə qadın haqları fəalları həmişə təzyiqlərə məruz qalıb. Ərəbistanlı qadınlar üçün tətbiq edilən məhdudiyyətlərin sayı-hesabı yoxdur. Hazırda 2 qadın sürücülük ittihamı ilə həbsdədir. Məsələ sadəcə sürücülük ilə də məhdudlaşmır. Xanım Laqardın bu kimi sözləri dünyanın ən böyük neft istehsalçısı və Qərbin Yaxın Şərqdəki başlıca müttəfiqi olan Ərəbistanı incitməmək üçün söylənilir".

Qeyd edək ki, ötən gün BVF prezidenti Kristina Laqard mərhum Səudiyyə Kralı Abdullah bin Abduləzizin qadın haqlarının müdafiəçisi olduğunu söyləyib.