"Sərkisyan aprelin 24-də "erməni soyqırımı"nın 100-cü ildönümündə iştirak etmək üçün yüzə yaxın ölkənin liderini Ermənistana dəvət edib".

Axar.az xəbər verir ki, bu barədə Ermənistanın "Joqovurda" qəzeti yazıb. Qəzet Türkiyə rəsmilərinin Çanaqqala zəfərinin 100-cü ildönümünü bilərəkdən 24 aprelə saldığını qeyd edib:

"Rəcəb Tayyib Ərdoğan da öz növbəsində Çanaqqala zəfərinin anım mərasimləri ilə əlaqədar 24 apreldə 22 dövlətin başçısını Türkiyəyə dəvət edib. Biz Ərdoğanın Obamaya da dəvət göndərib-göndərmədiyni dəqiqləşdirmək üçün ABŞ-ın Ermənistandakı səfirliyinə müraciət etdik. Səfirlikdən Ərdoğanın Obamanı da Türkiyəyə dəvət etdiyi bildirildi. Lakin Ağ Ev rəsmiləri hələlik Obamanın apreldə səfər planları ilə bağlı heç bir açıqlama verməyib".