Ukraynanın şərq bölgəsində yerli separatçılara qarşı döyüşən könüllü "Aydar" batalyonu birliyin ləğv edilməsi ilə bağlı verilən qərara etiraz edərək Müdafiə Nazirliyinin binasına hücum edib.

Axar.az xəbər verir ki, binanı mühasirəyə alan könüllü batalyon nazirliyin giriş qapısını yandırıb.

Müdafiə naziri Stepan Poltorak ilə görüşmək istəyən nümayişçilər sonda danışıqla razı salınıb. Batalyonun komandiri Sergey Melniçuk taborun ləğv edilməsi qərarının geri götürüldüyünü açıqlayıb.

Sözügedən batalyon ötən həftə də nazirliyin binasına hücum etmişdi.

Xatırladaq ki, "Aydar batalyonu" separatçılara qarşı çox çətin şəraitdə döyüşüb və xeyli itkilər verib.