Axar.az
Yuxarı

ABŞ İŞİD-ə qarşı necə savaşır – Təhlil

Ana səhifə Planet
12 Punto 14 Punto 16 Punto 18 Punto

ABŞ-ın İŞİD-ə qarşı başlatdığı anti-terror kampaniyasını dünya siyasiləri yetərincə qənaətbəxş hesab etmirlər. Hətta ABŞ-ın bu təşəbbüslərini "təvazökar mübarizə" kimi qiymətləndirirlər.

Axar.az xəbər verir ki, bu fikirlər CNN-in bir şərhində yer alıb. Şərhdə qeyd edilir ki, təxminən 5 ay əvvəl ABŞ Prezidenti Barak Obama Ağ Evdə belə bir çıxış edib: "Bizim məqsədimiz şəffaflıqdır. Biz İŞİD-i tənəzzülə uğradaraq dağıdacağıq. İŞİD-ə qarşı mübarizə hərtərəfli olacaq".

Həmin çıxışdan sonra ABŞ öz hərbi qüvvələrini İŞİD-lə mübarizə üçün İraqa səfərbər etdi. Bununla belə vəzifədən gedən, keçmiş Müdafiə Naziri Çak Hegel Birləşmiş Ştatlara müraciət edərək İŞİD-ə qarşı mübarizədə səfərbərliyin genişlənməsinə ehtiyac duyulduğunu qeyd etdi.

Belə bir halda sual meydana gəlir: İŞİD ABŞ-ın İraq və Suriyada apardığı hərbi müdaxilələrə rəğmən niyə hələ də çökmür?

CNN-in verdiyi şərhə görə ABŞ koalisiya kampaniyasına start verəndən bəri 6 mindən çox İŞİD əsgərini tələf edib.

Məlumatda qeyd edilir ki, İŞİD-in qırıcı hərbi qüvvələrinin sayı 9 minlə 18 min arasında dəyişir. ABŞ rəsmiləri qeyd edir ki, İŞİD-in digər qruplarının sayı toplu olaraq 30 mini təşkil edir.

ABŞ komandiri Loyd Austin çıxışlarının birində hərbi qüvvələrdə əsgər azlığının müşahidə olunduğunu qeyd edib. Lakin qarşılaşdırıldıqda qeyd etmək lazımdır ki, İŞİD-in hərbi qüvvələrinin sayı artmaqda davam edir. ABŞ rəsmiləri qeyd edir ki, oktyabr ayından bu yana sərhəddən kənar İŞİD-ə qoşulanların sayı 1000-i keçib.

ABŞ-ın Xüsusi Əməliyyatlar komandiri Jozef Votel isə keçən həftə bildirib ki, Suriya müharibəsindən bu yana, son 3 ildə 90 müxtəlif ölkədən 19 min xarici əsgər İŞİD-ə qoşulmaq üçün Suriya və İraq ərazisinə yollanıb.

Belə ki, ABŞ-ın terrora qarşı başlatdığı bu kampaniya nəticəsində son bir ayda 1200 İŞİD əsgəri öldürülüb. Buna baxmayaraq, daha 1000 döyüşçü İŞİD-ə qoşularaq yenidən nisbəti dəyişib.

Amerika politoloqları düşünür ki, İŞİD-ə qarşı mübarizədə ABŞ İraqa daha çox yardım göstərməlidir. Əks təqdirdə İŞİD-ə qarşı başladılmış bu kampaniya hərbi qüvvələrin nisbətini dəyişə bilməyəcək.

Tarix
2015.02.04 / 11:48
Müəllif
Nigar Məmmədova
Şərhlər
Digər xəbərlər

ABŞ-da korona ilə bağlı son vəziyyət

110 fermer öldürüldü, qadınlar girov götürüldü

Moskvada bir gündə 72 nəfər koronadan öldü

Fransız nazir: 100-ə yaxın polis yaralanıb

Levotolo vulkanı yenidən püskürməyə başladı - Video

Argentinada güclü zəlzələ

Sui-qəsdin detalları: İranlı alim belə öldürüldü

İraqda neft emalı zavoduna raket atıldı

Türkiyədə korona statistikası: 30 minə çatır...

Müharibə zamanı danışıqlar... - Nikol həyasızcasına aldadır

KULT
<>
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla