Qərb ölkələrindən Rusiyaya gələn turistlərin sayında 500 min azalma müşahidə olunub.

Axar.az xəbər verir ki, Rusiya Federal Miqrasiya Xidmətinin məlumatına görə, ötən ilin yanvar ayı ilə müqayisədə bu ilin yanvarında ölkəyə 1 milyon 230 min turist gəlib. Halbuki 2014-cü ildə bu rəqəm 1 milyon 730 min civarında olub.

Xidmətin məlumatına görə, ən çox ABŞ, İngiltərə və Almaniyadan gələn turistlərin sayında azalma baş verib. Belə ki, Almaniyadan 108 min, ABŞ-dan 79 min, İngiltərədən isə 68 min daha az turist bu ölkəyə səfər edib.

Qərb ölkələrindən gələnlərin sayında azalmanın ən çox 2014-cü ilin ikinci yarısından sonra hiss olunmağa başladığı deyilir.

Qərb ölkələri xaricində digər ölkələrdən Rusiyaya gələnlərin sayında isə 70 faiz azalma var. MDB məkanından Rusiyaya üz tutanlara qarşı sərt qaydaların tətbiqi, xarici dil imtahanı və iqtisadi geriləmə say nisbətinin kəskin azalması ilə nəticələnib.