Birləşmiş Ərəb Əmirliyi adına ABŞ-da lobbiçilik fəaliyyətini icra edən bir qurum bəzi senatorlarla Türkiyə əleyhinə sanksiya tətbiqi üçün iş aparır.

Axar.az xəbər verir ki, bu barədə Sputnik məlumat yayıb. Məlumata əsasən, Nümayəndələr Palatasında qondarma erməni soyqırımı layihəsi təsdiqlənəndən sonra "Akin Gump" adlı lobbi təşkilatı amerikalı iki senatora məktub göndərib.

Məktubda Türkiyənin "Sülh çeşməsi" əməliyyatı qınanılıb və Türkiyə əleyhinə sanksiya tətbiqinin dəstəkləndiyi vurğulanıb.

Məktubun hansı senatorlara göndərildiyi barədə məlumat verilməyib.