İraqdakı koalisiya qüvvələrinə məxsus bazaya hücumdan sonra ABŞ-ın Kətaib Hizbullah qruplaşmasının İraqın Əl Kaim şəhərindəki obyektlərinə zərbə endirməsi İrana verilən konkret cavabdır.

Axar.az xəbər verir ki, bu sözləri ABŞ Dövlət katibi Mayk Pompeo deyib.

O bildirib ki, bu addım Donald Trampın İranın ABŞ əsgərlərinin həyatını təhlükəyə atacağı təqdirdə verəcəyi cavab məsələsində qəti olduğunu göstərir.

Pompeo ABŞ-ın bölgədəki maraqları üçün əlavə addımlar ata biləcəyini də bildirib.

Qeyd edək ki, ABŞ-ın Kətaib Hizbullah hərbi qruplaşmasının İraqın Əl Kaim şəhərində yerləşən obyektlərinə zərbə endirməsi nəticəsində 25 nəfər ölüb, 14 nəfər yaralanıb.