Rəsmi Tehran FATF (çirkli pulların yuyulması ilə mübarizə barədə maliyyə hesabatları hazırlayan işçi qrup) layihələrini qəbul etməsə, iki aydan sonra bu qurumun qara siyahısına salına bilər.

Axar.az xəbər verir ki, bu sözləri İran Prezidenti Həsən Ruhaninin hüquq məsələləri üzrə müavini Ləya Cüneydi deyib.

"Bundan sonra Çin və Rusiya kimi ölkələr də İranla ticarət əlaqələrini davam etdirə bilməyəcəklər. Beləlikə, ölkə hazırkı vəziyyətdən dəfələrlə pis duruma düşəcək", - o bildirib.

Xatırladaq ki, FATF-ın İrana layihələri qəbul etməklə qara siyahıya düşməməsi üçün verdiyi vaxt fevralda sona çatır. Qurum bu müddətin sonuncu olduğunu bəyan edib.