Avropa Birliyi (AB) Tehranla Vaşinqtonun gərginliyindən dolayı İranla beynəlxalq ictimaiyyət arasında vasitəçi olmaq istəyir.

Axar.az xəbər verir ki, bunu Avropa Birliyi (AB) Şurasının xarici əlaqələr və təhlükəsizlik siyasəti komitəsinin sözçüsü Peter Stano deyib.

O, hələlik bu məsələ ilə bağlı konkret qərar olmadığını desə də, Avropa Birliyi Şurasının sədr müavini Cozef Borrelin vasitəçi olmağı təklif etdiyini bildirib.

Stano AB-nin vasitəçi olub-olmayacağının Brüsseldə keçiriləcək fövqəladə iclasda dəqiqləşəcəyini bildirib.

Qeyd edək ki, yanvarın 10-u Brüsseldə xarici işlər nazirləri səviyyəsində Avropa Birliyi Şurasının fövqəladə iclası keçiriləcək.