Paneldə hər 20 axtarışdan birinin sağlamlıqla əlaqəli olduğunu bildirən dünyaca məşhur axtarış şirkəti Quql (Google) bu sahədəki informasiyalarını zənginləşdirmək qərarına gəlib.

Axar.az xəbər verir ki, sağlamlıq sahəsində mütəxəssis qrupu yaradan şirkət istifadəçilərin bu mövzuda verdiyi axtarışlarda daha etibarlı nəticələrə yiyələnmələri üçün yeni bölüm yaratmağı planlaşdırıb. İnternet resurslarında sağlamlıqla əlaqəli əksər məlumatların yanlış olduğunu bildirən şirkət ekspertləri Quqlun yaradacağı sağlamlıq bölməsindən insanların ən doğru informasiyanı əldə edəcəklərini bildirib.

Qeyd edək ki, tətbiqin yaxın günlərdə istifadəyə veriləcəyi açıqlanıb.