"Əpl" (Apple) istifadəçilərinin uzun müddətdir gözlədiyi türkcə "Siri" nəhayət ki, gəlib.

Axar.az xəbər verir ki, bu tətbiq iOS 8.3 ilə birlikdə "Əpl" istifadəçilərinin ixtiyarına verilib.

İlk dəfə istifadəyə verildiyi gündən bu günə qədər, xüsusilə türkiyəli istifadəçilər tərəfindən maraqla gözlənilən türkcə "Siri" iOS 8.3 Beta 2 ilə artıq aktiv olaraq istifadə edilə biləcək. "Əpl" tərəfindən iOS 8.3 Betadan sonra istehsal olunan iOS 8.3 Beta 2 ilə təkcə türkcə gəlmir, eyni zamanda rusca, portuqalca, isveçcə və Tailand dilli "Siri"lər də təqdim edilir.

Xatırladaq ki, 2014-cu ildə Türkiyənin keçmiş prezidenti Abdullah Gül "Əpl" rəhbərliyini Çankaya köşkündə qəbul etmişdi. Gül "Əpl"ın türkcə klaviatura mövzusunda göstərdiyi həssaslığı təqdir etmiş və səsli idarə tətbiqlərindən biri olan "Siri" üçün də səy göstərməsini xahiş etmişdi.