Gürcüstan Türkiyənin İdlibdə çox sayda şəhid verməsindən narahatdır.

Axar.az xəbər verir ki, bu sözləri Gürcüstan Xarici İşlər nazirinin müavini Aleksandr Xvtisiaşvili Türkiyənin bu ölkədəki səfirliyinin nümayəndəsi Onur Sevinlə görüşündə söyləyib. Bildirilir ki, görüşdə Suriyanın İdlib bölgəsindəki vəziyyət müzakirə olunub.

O.Sevin Türkiyə Silahlı Qüvvələrinə qarşı hava hücumu barədə məlumat verib.

A.Xvtisiaşvili Gürcüstanın Türkiyəni dəstəklədiyini və eyni zamanda, bu hücumu qınadığını bildirib. Nazir müavini şəhid olan əsgərlərlə əlaqədar Türkiyə tərəfinə başsağlığı verib. Bildirib ki, Gürcüstan Suriyadakı hadisələri diqqətlə izləyir. Türkiyə Gürcüstanın strateji tərəfdaşıdır və ölkəsi Türkiyə hərbçilərinin öldürülməsindən narahatdır.

Tərəflər Suriyada vəziyyətin deeskalasiyasında beynəlxalq ictimaiyyətin daha fəal iştirak edəcəyinə ümidvar olduqlarını bildiriblər.