ABŞ və Türkiyə İdlibdə real atəşkəsə cəhd edirlər.

Axar.az xəbər verir ki, bunu ABŞ-ın Suriya üzrə xüsusi nümayəndəsi Ceyms Cefri deyib.

“Rusiya bizim kompromislə bağlı bütün təkliflərimizi rədd etdi. Onlar hərbi qələbə məqsədiylə təzyiq edirlər. Türklər bəyan edirlər ki, bu cür atəşkəs artıq mövcud ola bilməz və biz onları bu işdə yüz faiz dəstəkləyirik. Atəşkəs gərək real və daimi olsun. Əgər İdlibdə situasiya pisləşsə, bu, humanitar fəlakət və təhlükəli geostrateji eskalasiya olacaq. Bu, təhlükəli beynəlxalq situasiyadır, onu atəşkəslə nəzarətdə saxlamaq lazımdır. Mən Əsəd və rusların İdlibdə qalib gələcəyini düşünmürəm”, – deyə o bildirib.