Gürcüstanın eks-prezidenti Mixail Saakaşvili tabeliyində olanların hərəkətinə görə üzr istəyib.

Axar.az xəbər verir ki, bu etirafını Saakaşvili “Mtavari Arxi” televiziyasına müsahibəsində deyib.

“Əlbəttə ki, mən çox şeylərə görə özümü məsul və günahkar hiss edirəm. Səmimi qəlbdən tabeliyimdə olanların davranışlarını tam nəzarətdə saxlaya bilmədiyimə görə üzr istəyirəm. Hakimiyyətə daha yaxşı kimsə gəlməli idi. Gürcüstanda iqtisadi artım mənim dövrümdə ən yüksək olub. Bu gün Ukrayna, Özbəkistanda hələ də mənim adamlarım vəzifəyə təyin edilir, çünki onlar uğurlu idilər. Biz uğurlu idik, amma uğur çətinlik və bədbəxtlikləri istisna etmir. Sizin qayğınıza sona qədər qala bilmədiyimə görə mən sizim qarşısınızda borcluyam və bu borcu heç vaxt ödəyə bilməyəcəyəm”, – deyə o bildirib.