Biz məzhəbçi rejim qüvvələrini və terrorçuları ölkəmizdən uzaq tutmaqda qərarlıyıq.

Axar.az xəbər verir ki, bunu Türkiyə Prezidenti Rəcəb Tayyib Ərdoğan hakim Ədalət və İnkişaf Partiyasının iclasında deyib.

“İdlibdə təkcə terrorçularla deyil, böyük qüvvələrlə də mübarizə aparırıq. Əməliyyatlar çərçivəsində ordumuz Suriya rejiminə ağır zərbələr endirərək bu işin elə də asan olmadığını göstərdi. İdlibdə atəşkəsin əldə edilməsi ilə buradakı əhali rahat nəfəs almağa başlayıb. Düzdür, rejim tərəfindən atəşkəsin pozulmasına cəhd edilir. Ancaq biz rejimi və onu dəstəkləyən qüvvələri yaxından təqib edirik”, - Türkiyə lideri bildirib.