ABŞ Prezidenti Barak Obama və Avropa Birliyinin (AB) 4 lideri Minsk razılaşmasının pozulacağı təqdirdə Rusiyaya qarşı əlavə sanksiya tətbiq edəcəklərini açıqlayıb.

Axar.az-ın məlumatına görə, Obama AB Şurasının sədri Donald Tusk, Almaniya Kansleri Angela Merkel, Fransa Prezidenti Fransua Olland, İngiltərə Baş naziri Devid Kameron və İtaliyanın Baş naziri Matteo Renzi videokonfrans vasitəsilə geosiyasi məsələləri müzakirə edirlər. Liderlər Ukraynada atəşkəsin pozulduğu halda belə, sanksiyaların qüvvəyə minəcəyi xəbərdarlığını edib.

Bu arada ABŞ Prezidenti Barak Obama 6 mart 2014-cü ildə Rusiyaya qarşı qəbul olunan sanksiyaları daha bir il uzadıb.

Ağ Evin yaydığı bəyanatda ABŞ-ın 16-20 mart, eləcə də 19 dekabr tarixlərində Ukraynada olan vəziyyətlə bağlı Rusiyaya qarşı sanksiyalarda 3 dəfə dəyişiklik etməsi də nəzərə çatdırılır.