"Senatorlar dünyanın ABŞ-dan ibarət olmadığını və beynəlxalq əlaqələrin ABŞ-ın daxili qanunvericiliyinə görə yox, beynəlxalq hüquq normalarına görə nizamlandığını öyrənməlidirlər".

Axar.az xəbər verir ki, bu açıqlama ilə İranın Xarici İşlər naziri Məhəmməd Cavad Zərif çıxış edib. O, ABŞ senatorlarının nüvə müzakirələrilə bağlı İran rəhbərliyinə yazdığı məktubun heç bir hüquqi dəyərinin olmadığını bildirib:

"Bizə görə bu məktubun heç bir qanuni dəyəri yoxdur. Bu senatorlar dünyanın ABŞ-dan ibarət olmadığını və beynəlxalq əlaqələrin ABŞ-ın daxili qanunvericiliyinə görə yox, beynəlxalq hüquq normalarına görə nizamlandığını öyrənməlidirlər. Həmçinin beynəlxalq hüquqa görə, Konqres gələcəkdə nüvə razılaşmasının məzmununu dəyişdirə bilməyəcək. Senatorlar bu razılaşmanın pozulmasının beynəlxalq hüquq normalarının pozulması kimi qiymətləndiriləcəyini anlamalıdırlar".

Qeyd edək ki, ABŞ Konqresindən 47 respublikaçı senator nüvə müzakirələrilə bağlı İran rəhbərliyinə məktub ünvanlayıb.