Livanlı televiziya aparıcısı Rima Karakinin sələfi təriqətinə mənsub, əslən misirli olan din alimi Hani əs-Sıbai ilə arasında baş verən mübahisə ərəb dünyasının gündəminə çevrilib.

Axar.az xəbər verir ki, xristian dininə mənsub bəzi şəxslərin İŞİD-ə qatılma səbəbi müzakirə olunan proqramda mübahisə yaşanıb.

Canlı yayımda aparıcı Rima Karakinin ard-arda suallarından əsəbiləşən islam alimi "Qadın, çənəni bağla ki, mən danışım", - deyərək kobudluğa yol verib. Bunu təhqir olaraq qəbul edən livanlı xanım aparıcı qonağı Hanı əs-Sıbaini canlı yayımdan uzaqlaşdırıb.

Daha sonra aparıcı "Yetər, ya qarşılıqlı hörmət çərçivəsində danışacağıq, ya da bu söhbət bitəcək", - deyərək canlı yayımı bitirib.