Rusiya və Səudiyyə Ərəbistanı arasındakı neft qiyməti savaşında Avropa ölkələri Ərəbistan Krallığının tərəfini saxlayıblar. Xüsusilə, Polşa aprel ayında tam olaraq Rusiya neftinin dəniz vasitəsilə tədarükündən imtina edib, bunun yerinə rekord həcmdə - 560 min ton Səudiyyə Ərəbistanının “Arab Layt” neftini alıb.

Axar.az xəbər verir ki, bu məlumatı “Röyter” agentliyi yayıb.

Bildirilir ki, Rusiyadan Polşaya neft yalnız boru kəmərləri vasitəsilə tədarük edilir. Belə ki, bununla bağlı uzunmüddətli razılaşmalar var.

Aprel ayında Səudiyyə Ərəbistanı neftinin rus neftinin ənənəvi alıcıları olan İtaliya, Türkiyə, Yunanıstan və Fransaya tədarükü də artıb. Nəticədə aprel ayında Səudiyyə Ərəbistanının Avropaya satdığı neft 29 milyon barrel təşkil edib ki, bu da 2016-cı ildə qeydə alınan rekord göstəricidən bir qədər az olub.