Bu gün Kreml mətbuat xidməti tərəfindən Putinin dərc edilən şəkilləri köhnə imiş.

Axar.az xəbər verir ki, Rusiya Prezidenti Putinin bu gün Ali Məhkəmənin sədri Vyaçeslav Lebedevlə görüşməsi barədə xəbərlər yayılmışdı. Ancaq Ukrayna mediası bunun əksini iddia edir. Belə ki, Çeçenistan Prezidenti Ramzan Kadırov Putinin iş masasında olan saatın ona hədiyyə edildiyini bildirmiş və bununla bağlı olaraq sosial şəbəkədə saatla çəkilmiş şəklini paylaşmışdı.

Putinin Lebedevlə görüşməsi ilə bağlı Kreml mətbuatı tərəfindən yayımlanan şəkildə Kadırova hədiyyə edilən saatın da görüntülənməsi görüşün bu gün deyil də, 11 martdan öncə keçirildiyini göstərir. Belə ki, Kadırova saat 11 martda hədiyyə edilmişdi.

Qeyd edək ki, dünya mətbuatı, xüsusilə də Ukrayna mətbuatı Putinin 6 martdan efirlərə çıxmamasını onun səhhəti ilə əlaqələndirir, ancaq Kreml bunu təkzib edir.