İraqın yeni Baş naziri Mustafa Kazımi xarici neft şirkətləriylə razılaşmaları dəyişməyi planlaşdırır.

Axar.az xəbər verir ki, artıq bununla bağlı xüsusi işçi qrupunun yaradılacağı bildirilib. Məhz bu qrup xarici şirkətlərlə şərtlərin dəyişdirilməsi ilə bağlı danışıqlar aparacaq.

Hökumət həmçinin iqtisadi problemlərin həlli üçün ölkədə bir müddət öncə azaldılan neft hasilatının bərpası ilə bağlı şirkətlərlə danışıqlara başlayacaq.

Qeyd edək ki, hazırda İraqda fəaliyyət göstərən ən böyük neft şirkətləri sırasında ABŞ-ın “Ekzon Mobil”, Rusiyanın “Lukoyl”, Britaniyanın BP, Çin CNPC, İtaliyanın “Eni” kompaniyaları yer alır.