Ana səhifə Planet |
Rusiyanın federal büdcəsinin vəziyyəti may ayında kəskin pisləşib.
Axar.az-ın məlumatına görə, may ayı ərzində Maliyyə Nazirliyi büdcəyə 889 milyard rub toplaya bilib ki, bu da keçən ilin analoji dövründən 41% az olub.
May ayı ərzində neft-qaz şirkətləri büdcəyə 214,2 milyard rubl keçiriblər. Bu isə bir il əvvəlki göstəricilərdən 70%, aprel ayının göstəricilərindən isə 50% az olub.
Bununla bərabər Rusiyanın neft tədarükü OPEK+ razılaşmasına görə 25%, “Qazprom”un Avropaya ixrac etdiyi qazın həcmi isə 20% azalıb. Üstəlik, “Qazprom”un imzaladığı kontraktlardakı qazın orta qiyməti keçən ilkindən aşağı olub. Bu dövr ərzindəki orta qiymət hər 1000 kub metr üçün qiymət 106 dollar müəyyənləşib.
Rusiyanın artıma nail olduğu istiqamət əlavə dəyər vergisindən götürülən gəlirdir. Belə ki, keçən illə müqayisədə əlavə dəyər vergisi 213 milyard dollardan 243 milyard dollara yüksəlib.
Tarix
2020.06.13 / 12:10
|
Müəllif
İlkin Həsənov
|