Ana səhifə Planet |
Şimali Koreya yeni müəssisələrində nüvə başlıqları istehsal edir.
Axar.az xəbər verir ki, bu barədə Cənubi Koreyanın “Yonhap” agentliyi məlumat yayıb.
Bildirilib ki, Middlburi Beynəlxalq Tədqiqat İnstitutunun mütəxəssisləri peyk görüntülərinə əsasən Pxenyan yaxınlığındakı Vollo-ri qəsəbəsində nüvə başlığı istehsal edən müəssisələr aşkarlayıblar. Mütəxəssis Cefri Levis Pxenyan rəhbərliyi tərəfindən tikilən yeni müəssisələrdə təhlükəsizliyin güclü şəkildə təmin olduğunu bildirib:
“Bbu müəssisələrdə yeraltı bunkerlər də mövcuddur. Buraya çoxlu avtomobil giriş-çıxış edir, daşınmalar konteynerlər vasitəsilə aparılır, ən əsası da nüvə başlığı istehsal olunur. Biz bununla bağlı uzun müddətdir araşdırma aparırıq və bu yerlərin Şimali Koreyanın nüvə proqramının bir hissəsi olduğu dəqiqdir”.
Qeyd edək ki, Cənubi Koreya Xarici İşlər Nazirliyi adı çəkilən müəssisələrlə bağlı məlumat vermək istəməyib.
Tarix
2020.07.09 / 12:36
|
Müəllif
Samir Soltanov
|