Ana səhifə Planet |
Uzun gözləntilərdən sonra dünən sosial şəbəkə üzərindən 2016-cı ildə keçiriləcək prezident seçkisində namizəd olacağını açıqlayan ABŞ-ın keçmiş Dövlət katibi Hillari Klinton böyük diqqət görür.
Axar.az xəbər verir ki, ilk mitinqi üçün Nyu Yorkdan 1700 km kənar yolla getməyə qərar verən Klinton yol boyu avtomobilini tez-tez dayandıraraq xalqın arasına çıxıb, fotolar çəkdirib.
ABŞ mediası Hillari Klintonun anketlərdə həm Demokratik Partiyanın namizəd namizədləri, həm də bütün prezident namizədləri arasında böyük fərqlə öndə getdiyini bildirib. Klintonla görüşən Fransa Xarici İşlər naziri Loran Fabius belə deyib: "Qeyri-adi xüsusiyyətlər tələb edən bir vəzifəyə qeyri-adi bacarığa malik gözəl bir qadın namizəd olub".
Qeyd edək ki, Klinton prezident seçilsə, ABŞ-ın ilk qadın rəhbəri olacaq. 2016-cı ildə 69 yaşına keçəcək Klinton 70 yaşında rəhbərlik kreslosuna oturan Ronald Reyqandan sonra vəzifəyə gələn ən yaşlı prezident olacaq. Təxminən 1.5 milyard dollar xərcləyəcəyi təxmin edilən Klinton ABŞ tarixinin ən bahalı kampaniyasına da imza atacaq.
Tarix
2015.04.14 / 21:11
|
Müəllif
Nilufər Muğantürk
|