"Donbasda müharibənin saxlanılması nəzərdə tutulandan daha baha başa gəldi".

Axar.az xəbər verir ki, bu açıqlama ilə amerikalı ekspert Anders Aslund çıxış edib.

Onun sözlərinə görə, Donbas savaşı Ukraynanı daha çox pul xərcləməyə məcbur edir:

"Yaxın gələcəkdə Donbas gəlir yeri yox, xərc yeri olacaq. Ona görə də fevral ayında keçirilən ikinci Minsk danışıqlarında Donbasdakı dövlət xərclərini kimin qarşılayacağı ilə bağlı məsələ müzakirə olunmuşdu. Ukrayna bundan imtina edərək, Donetsk və Luqanskı tam geri istəmişdi. Regiondakı böyük iş adamları hələ də vergini Kiyevə ödəyirlər. Moskva bunu dəstəkləyir. Kreml bilir ki, belə olmasa, Ukrayna həmin şirkətləri öz iqtisadiyyatından ayıracaq. Qərbə hazırda Rusiyanın maksimal dərəcədə ziyan çəkməsi lazımdır. Buna görə də o, müharibənin zərərlərini ödəmək istəmir. Rusiya isə bunu tək ödəmək niyyətində deyil. Məhz bunlara görə, "Novorossiya" proyekti bağlanıldı".