Rusiyanın Belçikadakı dövlət əmlaklarına həbs qoyulub.

Axar.az xəbər verir ki, bu barədə informasiyanı Rusiya mətbuatı yayıb.

Mətbuatın məlumatına görə, həbs Belçika Arbitraj Məhkəməsinin qərarı əsasında həyata keçirilib. Məhkəməyə müraciət edən "YUKOS Universal Limited" şirkəti Rusiyanın ona 1,650 milyard avro borclu olduğunu bildirib. Borcun qaytarılmayacağından qorxan şikayətçi məhkəmədən bunun qarşılığında Rusiyanın buradakı əmlakını həbs etməyi tələb edib. Hazırda Rusiyanın Belçikada qeydiyyatda olan bütün böyük bankları, nümayəndəlikləri fəaliyyətlərini dayandırıblar. Belçika məhkəməsi təkcə Rusiyanın diplomatik nümayəndəliyinə, QHT-lərin və KİV-lərin nümayəndəliklərinə, Brüssel və Belçika rus pravoslav kilsəsinin əmlaklarına toxunmayıb.