Emmi mükafatlı ABŞ prodüsseri Mark Burnett dünya liderlərinin iştirak edəcəyi yeni bir realiti-şou hazırlamaq niyyətindədir.

Axar.az xəbər verir ki, Burnettin yeni proqramına qatılmasını istədiyi ilk ad isə Rusiya Prezidenti Vladimir Putindir.

Mətbuatda əks olunan xəbərlərə görə, Kreml rəhbəri Burnettin xəyal etdiyi bu təklifi qəbul edərsə, sıx iş proqramından şou üçün də vaxt ayırmaq məcburiyyətində qalacaq.

Prodüsser Putinin təşəbbüsü dəstəkləyəcəyi təqdirdə rusiyalı liderə yeni əməkdaşlıq təklifləri də etməyi planlaşdırdığını deyib.

Bildirək ki, Kremlə yaxın media orqanları bu təklifi tamamilə real hesab edir. Çünki Putin ABŞ-da yayımlanan şou proqramları böyük maraqla izləyir. Bu səbəbdən Putinin təklifi qəbul edəcəyi istisna olunmur.