“Amazon” şirkətinin rəhbəri, milyarder Ceff Bezos və daha üç sərnişini göyərtəsində daşıyan kapsul "Yeni Şepard" (ABŞ-ın ilk kosmonavtlarından olan Alan Şepardın şərəfinə kapsula belə ad verilib) raketi vasitəsi ilə həyata keçirilən uçuşdan sonra Texas kosmodromu yaxınlığında təhlükəsiz yerə enib.

Axar.az xəbər verir ki, bütün uçuş avtomatik rejimdə olub və 11 dəqiqədən az müddət çəkib.

Hesablandığı kimi, buraxılışdan bir neçə dəqiqə sonra təkrar istifadə oluna bilən raket 40 km yüksəkliyə qalxdıqdan sonra sərnişinlər olan kapsul ondan ayrılıb.

Daşıyıcısından ayrılan kapsul kosmosun şərti sərhədi Karman həddini - 100 km hümdürlük məsafəsini keçib.

Bezosu kapsulda qardaşı Mark, 82 yaşlı qadın pilot Olli Funk və 18 yaşlı Oliver Daemen müşayiət ediblər.