Əfqanıstanın gələcəyi Talibanın mövqeyi ilə müəyyən ediləcək.

Axar.az xəbər verir ki, bu sözləri ANKASAM-ın (Ankara Böhran və Siyasi Araşdırmalar Mərkəzi) əfqan əsilli ekspert Əhməd Xan Dövlətyar deyib.

“Bu vəziyyət ABŞ-ın 20 illik işğalının uğursuzluqla nəticələnməsi anlamına gəlir. Artıq Taliban müharibəni qazanan cəbhədir və Əfqanıstanın gələcəyini müəyyən edəcək. Talibanın isə keçmişdən dərs çıxardaraq intiqam almaq yerinə hər kəslə kompromisə gedən addımlar atacağı ehtimal edilir. Bu da Əfqanıstanda vətəndaş müharibəsinin aradan qaldırılması və sabitliyin bərqərar olması demək”, - deyə ekspert bildirib.

Dövlətyar əlavə edib ki, əfqan xalqının Türkiyəyə böyük sevgisi var:

“Türkiyə Əfqanıstanın inkişafı üçün son 20 ildə əlindən gələni edib və bu səbəbdən əfqan xalqının Türkiyəyə böyük sevgisi var. Taliban nümayəndələrinin açıqlamalarında da Ankaraya verilmiş müsbət siqnallar var”.