Ankaranın xarici siyasəti uyğunsuzluqlarla müşayiət olunur.

Axar.az xəbər verir ki, bu iddianı Türkiyənin "Sunday Zaman" qəzeti irəli sürüb.

"Türk diplomatiyasının qəbul etdiyi qərarlar hazırda dünyanın bir-birinə zidd olan bütün dövlərləri ilə uzlaşdırılır – Vaşinqtondan Pekinə qədər. Bu məqamda türk diplomatiyası hakimlik edən Molla Nəsrəddinin həm iddiaçıya, həm də cavabdehə "sən haqlısan" deməsinə bənzəyir", - qəzet yazır.

Prezident Ərdoğanın Çinə səfəri ilə Şanxay Əməkdaşlıq Təşkilatına qoşulmaq istəyini bildirən nəşr həmin vaxtda Ankarada NATO-nun fövqəladə toplantısının keçirildiyinə diqqət çəkir:

"Türkiyə Rusiya ilə Avropa qaz xətti sisteminə qoşulmayan qaz xətti çəkməyə hazırlaşır, Krıma tərəvəz ixrac edir, digər tərəfdən NATO-nun Ukrayna siyasətini dəstəkləyir".

Nəşrin iddiasına görə, ən ciddi uyğunsuzluq Yaxın Şərq hadisələrinə yanaşmada – "İslam xilafəti"nə müharibə elan edib, İraqın şimalında PKK bazalarını bombalamaqdadır: "Üç qrup eyni vaxtda bir-biri ilə savaşır. Türkiyənin bu yanaşması isə dünya müharibə tarixinə töhfə olmalıdır. Çünki Türkiyə İŞİD-ə hücum edəndə PKK-ya, PKK-ya hücum edəndə İŞİD-ə dəstək vermiş olur".

"Sundey Zaman"ın qənaətinə görə, digər dövlətlər "Türkiyənin çoxsaylı müttəfiqləri ilə eyni vaxtda oynamasına" öz maraqları tapdanana qədər dözəcəklər.