Misirdə açılacaq 72 kilometrlik yeni Süveyş kanalı Aralıq və Qara dənizin bioloji strukturuna ağır zərbə vuracaq.

Axar.az xəbər verir ki, bunu Türkiyə mətbuatına açıqlamasında Türk Dəniz Araşdırmaları Vəqfinin rəhbəri Bayram Öztürk söyləyib. Onun sözlərinə görə, bu kanal sayəsində Hind okeanı və Qırmızı dənizdən yeni dəniz canlıları Aralıq dənizinə daxil olacaqlar:

"Onlar zamanla Qara dəniz sahillərinə gələcəklər. Artıq indidən 350-dən çox müxtəlif növ canlı Qara dənizə daxil olub. Onlardan bəziləri Aralıq və Qara dənizin canlıları üçün böyük təhlükə yaradır. Bəziləri zəhərli olan canlıların içərisində bölgə üçün ən təhlükəli olanı isə meduzadır".

Qeyd edək ki, Suveyş kanalına paralel formada tikilmiş yeni Süveyş kanalı avqustun 6-da istifadəyə veriləcək.