İsveçrədən olan milyonçunun oğlu 245 min dollar dəyərində olan "Ferrari 458 İtalia" avtomobilini yenisi ilə əvəz etmək və sığorta şirkətindən pul almaq üçün yandırıb.

Axar.az xəbər verir ki, bu barədə "Insurance Business America" jurnalı məlumat verib.

Jurnal yazıb ki, atası oğluna hər ay xərclik üçün 10 min dollar versə də, gənc yeni avtomobil almaq üçün atasından pul istəməyib.

Gənc oğlan avtomobili yandırmaq üçün iki nəfər tutub və onların hərəsinə 15 min dollar pul verib. O, avtomobilini fahişəxananın yanında qoyub və harasa gedib. Sonradan onun avtomobili yandırılıb. Tərslikdən avtomobilin yandırılma prosesi müşahidə kameralarının yaddaşına düşüb və polis gənclərin mesajlarını da ələ keçirib.

İndi milyonçu oğlu sığorta şirkətini aldatdığı üçün 32 min dollar cərimə ödəyəcək və 22 ay sınaq müddəti keçəcək.