Qərb açıq şəkildə Putinə xəbərdarlıq edir ki, müharibə ona baha başa gələcək. Lakin sanksiyalar Rusiyanı cilovlamaq üçün kifayət deyil.

Axar.az xəbər verir ki, bu barədə CNN-də yayımlanan məqalədə deyilir.

“Putini Ukraynaya hücum etməkdən çəkindirəcək yeganə real vasitə nədir? Rusiya prezidenti öz əsgərlərinin ukraynalı hərbçilər tərəfindən öldürüləcəyinə inanmır və bu səbəbdən sabah, yaxud birisigün müharibə başlaya bilər. ABŞ Prezidenti Co Bayden və bir çox avropalı lider müharibənin Putinə baha başa gələcəyi barədə xəbərdarlıqlar edirlər. Diplomatik təcridetmə, maliyyə sanksiyalaı nəzərdən keçirilir, lakin çətin ki, bunlar Rusiyanı dayandırsın. Rusiya hərbçilərinin döyüş meydanında ölməsi Putini Ukraynaya hücumdan çəkindirəcək yeganə vasitədir”, - deyə bildirilib.