Ukrayna Silahlı Qüvvələrinin baş komandanı Valeri Zalujnı Ukrayna vətəndaşlarına müraciət edərək mübarizəyə görə təşəkkür edib.

Axar.az xəbər verir ki, onun müraciəti Feysbukda yayılıb.

"Hər birinizə ayrı-ayrılıqda təşəkkür edirəm. Siz bütün dünyaya azadlıq və doğma yurdumuz uğrunda necə mübarizə aparmağı göstərdiniz. Sizinlə eyni sırada olmaqdan qürur duyuram. Qəhrəman döyüşçülər, qəhrəman şəhərlər bizim reallığımızdır. Hər nə qədər ağır olsa da, utanc hissi keçirməyəcəyimiz dəqiqdir”, - Zalujnı deyib.

O, düşmənin ruhdan düşdüyünü, hakimiyyət və Ukraynanın xarici siyasətinin dəyişikliyi ilə bağlı blitskirq planlarının məhv edildiyini vurğulayıb.

Bununla belə, Zalujni söyləyib ki, rus işğalçı qoşunları hələ də cənub istiqamətində səylərini artırmaqda davam edir və eyni zamanda Kiyevi mühasirəyə almaq cəhdlərindən əl çəkmirlər.