16:34

İrəvandakı “Sürməli” ticarət mərkəzində baş verən partlayış zamanı itkin düşənlərdən biri İran vətəndaşıdır.

Axar.az xəbər verir ki, bu barədə Ermənistan Fövqəladə Hallar Nazirliyi məlumat yayıb.

Məlumata görə, itkin düşən şəxsin adı Mehri Təhriridir.

Qeyd edək ki, dünən İrəvandakı “Sürməli” ticarət mərkəzində baş verən partlayış nəticəsində 6 nəfər ölüb, 61 nəfər isə yaralanıb. 15 nəfər isə itkin düşüb.

***

İrəvanda “Sürməli” ticarət mərkəzindəki partlayışda daha 3 İran vətəndaşı itkin düşüb.

Onların Vanyan Saki, Edras Saki və Kiuma Saki olduğu bildirilir.

İtkin düşənlər arasında Rusiya vətəndaşı, 1959-cu il təvəllüdlü Lyuba Qlebova da var.

Son məlumata görə, ümumilikdə 17 nəfər itkin düşmüş sayılır.

***

Ermənistanın Daxili İşlər Nazirliyi dünən İrəvanda “Sürməli” ticarət mərkəzində baş verən partlayışda 23 nəfərin itkin düşdüyünü bildirib.

Onların arasında Rusiyanın 1, İranın 6 vətəndaşı var.