Xaricdəki İran diasporu, yerli və xarici şirkətlərin investisiyaları İran iqtisadiyyatının qalxmasının əsasını təşkil edəcək.

Axar.az xəbər verir ki, bunu İran Prezidenti Həsən Ruhani hökumətin iclasında çıxışı zamanı deyib. Onun sözlərinə görə, neftin ucuzlaşması İran iqtisadiyyatına ciddi ziyan vurub:

"İyulun 14-də imzaladığımız Vyana sazişi bizim üçün yeni siyasi və iqtisadi perspektivlər açır. İran bundan istifadə etməlidir. Biz region dövlətləri ilə açıq iqtisadi əlaqələr qurmaq istəyirik".

Qeyd edək ki, İranın sanksiyalar ucbatından dondurulmuş neft gəlirlərinin miqdarı 92 milyard dollardır.