Türkiyə Rusiyanın yaxşı dostu olaraq qalır.

Axar.az xəbər verir ki, bu sözləri Rusiya Prezidenti Vladimir Putin "Rossiya zovyot" investforumunda çıxış edərkən söyləyib. Onun sözlərinə görə, uzun illər ərzində Rusiyanın Türkiyə ilə mehriban münasibətləri olub:

"Türkiyə bizim ən böyük ticari və iqtisadi partnyorlarımızdan biridir. Təkcə inşaat bazarına diqqət yetirsək, onun milyardlarla dollar dəyərində olduğunu görə bilərik. Son vaxtlar təkcə Türkiyə şirkətləri bizim inşaat sektoruna 12 milyard yatırıblar. Rusiya həmçinin Türkiyənin enerji sahəsində əsas partnyorlarından biridir. Türkiyənin kürd faktoru və terrorizmlə mübarizə sahəsində çoxlu qayğıları var. Biz bu qayğıların hər birini başa düşürük və sözsüz ki, birgə fəaliyyətimiz zamanı bunu nəzərə almağa hazırıq".