ABŞ-ın başçılıq etdiyi koalisiya qüvvələri 2014-cü ilin avqustundan etibarən 23 min İŞİD döyüşçüsünü məhv edib.

Axar.az xəbər verir ki, bunu ABŞ-ın İraq və Suriyada apardığı əməliyyatların sözçüsü Stiv Varren deyib.

"2014-cü ilin avqust ayından bu günə qədər terrorçulara Suriyada 5 min, İraqda isə 3500 hava zərbəsi endirmişik. Nəticədə 23 min terrorçu öldürülüb. Hazırda sözügedən ölkələrdə 20-30 min arası İŞİD döyüşçüsü var. İki həftə öncə başlatdığımız yeni hərbi əməliyyatlarda İŞİD-ə məxsus 400 neft tankeri vurulub", - Varren bildirib.

Varren Türkiyənin İŞİD-ə yardım etməsi ilə bağlı fikirlərə də münasibət bildirib. O deyib ki, Türkiyə İŞİD-ə qarşı mübarizədə ABŞ-a ən fəal dəstək verən ölkələrdəndir və koalisiyada yer alır.