Rusiyaya hökumətinə tövsiyəmiz budur ki, Su-24 qırıcının vurulması olayını düzgün dəyərləndirsin. Yalnız o zaman hər iki tərəf üçün faydalı olar.

Axar.az xəbər verir ki, bu sözləri Türkiyə Baş naziri Əhməd Davudoğlu jurnalistlərin suallarını cavablandırarkən deyib.

"Olduqca gərgin dönəmdəyik. Ancaq bu gərginliyi Türkiyə tərəfi başlamadı. Biz öz hava məkanımızı qorumaq istədik. Həmin təyyarənin hansı ölkəyə aid olmasını əvvəlcədən bilməmişik. Əgər Türkiyə Silahlı Qüvvələri qırıcını vurmasaydı, bəzi dairlərlər bunun səbəbini soruşardılar. Biz hava məkanımızın pozulması ilə bağlı qarşı tərəfə dəfələrlə xəbərdarlıq etmişik. Eyni zamanda Rusiyaya bildirdik ki, Bayırbucaq bölgəsində terrorçular yoxdur. Orada türkmanlar var", - deyə Davudoğlu bildirib.