Əsəd rejimi Türkiyə sərhədində yeni əməliyyatlara başlayıb.

Axar.az xəbər verir ki, bu barədə "Fars" xəbər agentliyi məlumat yayıb.

Suriya ordusu rus təyyarəsinin vurulduğu Türkiyə sərhədinə yaxın bölgədə Rusiyanın havadan dəstəyi ilə terrorçulara qarşı keçirdiyi əməliyyatlarda daha iki starteji nöqtəni ələ geçirib.

Xəbər agentliyinə danışan mənbələr Suriya ordusunun Rusiyanın hava dəstəyi Latakiyanin şimalındakı Rveyset Handak və Ketif Hamidə yaxınlığında sahilyanı əməliyyatlar həyata keçirdiyini söyləyib.

Həmçinin Suriya ordusunun iki nöqtədə nəzarəti tamamilə ələ keçirdiyi, terrorçuların geri çəkilmək məcburiyyətində qaldığı və çoxlu sayda yaraqlıların öldürüldüyü bildirilib.